شەفەق نیوز/ فەریق جەمال ئەمینکی فەرماندەی ئەرکان هێزەیل پێشمەرگە، ئمڕوو چوارشەممە، وت: وەزارەت پێشمەرگە بڕیاردا وە وڵاوەکردن هێزەیلیگی لە قەزای ئامێدی له‌ باکوور پارێزگای دهۆک.

ئەمینکی ئەرا ئاژانس شەفەق نیوز وت: ئەرک ئی هێزەیلە ئەرا مقەیەتی ئی ناوچەیلە و دوورەوخستن خەڵک ئاوایەگان لە ململانەی هەرێمیه‌.

فەرماندەی ئەرکان پێشمەرگە ئاشکرا کرد ک ئی هێزەیلە جێگر بوین لە کویەی مەتین و ناوچەی دۆڵ دیهی و ئاوایەیل ئارەزا و بانکا چوونکە ئی ناوچەیلە هانە بان ری ستڕاتیژ گرنگیەگ لە ناوچەگە.

هەمیش وت: پاراستن ناوچە سنوریەگان ئەرک پاسەوان سنووری عراقیە و هەمیش هێزەیل پێشمەرگە، ئەرا مقەیەتی خەڵک ناوچەگە و وسانن هەر کۆچکردنیگ پێشبینکریاگ لەوەر رەوشە سەربازی نائارامەگە، لە ئەنجام وەکارهاوردن ئی ناوچەیلە لە بەڕیگ لایەن ک کیشانەوەی پێشمەرگە وەخوەی دی ساڵ ٢٠١٤ ئەرا بەشداریکردن لە جەنگ ریخریاگ داعش وە دریژایی سەنگەر پانیگ رەسیە زیاتر لە هەزار کێلومەتر.