شەفەق نیوز/ حزبە کوردیەگان سوریا، ئمڕوو چوارشەممە، راگەیانن لە رەسینیان ئەرا رێککەفتن سەرەتایی ئەرا هەڵچانن ناکۆکیەگان، دویای یەکەم دانیشتن گفتوگۆیان وە چەودێری ئەمریکا و پشتگیری لە سەرکردەی کورد مەسعود بارزانی و سەرۆک هەرێم کوردستان نێچیرڤان بارزانی.
ئەویش لە بەیاننامەیگ هاوبەشی لە هەردوگ لایەن دانوستانەگە هات ، ئەنجومەن نیشتمان کوردی لە سوریا، وحزبەیل یکێتی نیشتمان کوردی وەسەرپەرشتی پارت دیموکرات کوردستان.
بەیاننامەگە باسکرد ک هەردوگ شاندەگە، ئەنجومەن نیشتمان کوردی لە سوریا، وحزبەیل یەکێتی نیشتمان کوردی لە حەسەکەی سوریا، یەکەمین قۆناغیان لە دانوستان یەکریزی کوردی تەواوکردن، ورەسینە یەکلاکردنەوەی سیاسی هاوبەشیگ پابەندیدار.
ئاماژەدا وە رەسین هه‌ردگلا ئەرا داناین رێککەفتنەگەی دهۆک ساڵ ٢٠١٤ لەباوەت حکومڕانی و هاوبەشی لە وەڕیەوبردن ومقەیەتی و وەرگری جوور بنەمایگ سه‌ره‌كی ئەرا وەردەوامبوین لە گفتوگۆ و دانوستانەگان ناوبەین هەردوگ شاندەگە، ئەرا رەسین وە واژوکردن لەبان رێککەفتنە گشتگیرەگە لە ئایندەی نزیک.
هەردوگ شاندەگە دووپات کردن لەبان گرنگی هاوکاری ویەکێتی کورد لەسوریا، وپێشوازی کردن لە ئەنجامەگە جوور گامیگ مێژووی گرنگ وەرەو رەسینەوەیگ گەوراتر وهاوکارییگ وەکارهاوریاگ ک گەل کورد لەسوریا وهەمیش سوریەگان لە گشت پێکهاتەیل سودمەن بکەێد،.
بەیاننامەگە ئاماژەدا ک هەردوگ شاندەگە کارەیل خوەیان تەرخانکردنە جوور وەفادارییگ ئەرا قوربانیە گەوراگان کوڕه‌یل ودویەته‌یل سوریا وتایبەت شەهیدەیل و زەخمدارەیل رۆژاڤای کوردستان وخیزانەیلیان ک گیان خوەیان قوربانی کردنە لە جەنگ پاکانە ئەرا مقەیەتی جهان لە زاڵبوین داعش.