شەفەق نیوز/ سەعید سەلیم وەرپرس لق چوار پارت دیموکرات کوردستان، ئمڕوو یەکشەممە، ئدانه‌ی دووارەکردن پەلاماردان بارەگای حزبەگەی كرد لە پارێزگای سلێمانی.
سەلیم لە کۆنگرەیگ رۆژنامەوانی ئمڕوو لە سلێمانی وت: تەقەکردن لە بارەگای لقەگە وەهەوڵدانیگ مەترسیدار دانەیمن و دژایەتی نەگونجیاگ و دویر لە بنەمای نەتەوەییه‌‌.‌
وەرپرسەگە رووداوەیل دوارەکریاگ ئدانه‌ كرد ک بارەگە حزبیەگان کەفنە وەری لە پارێزگاگە، وتیش؛ ئیمە وه‌ گرنگ زانیمن ک دەزگا ئەمنیەگان لە سلێمانی مقەیەتی گیان ودارایی خەڵک وبارەگا حزبیەگان و شوون کەمینەگان بکەن.
ئاماژەدا؛ پرسیاریگ کەیمن ک لەبان پەلامارەیل بارەگا حزبیەگان لە سلێمانی ئەرا دەیان جار، بەڵکم ئیمە جیا له‌ رێکارەیل رواڵه‌تی زیاتر نەدیمن.
سەعید هەمیش وت: ئەوسا تویەنستیمن پشتگیری رێکارە ئەمنیەگان لە بارەگا حزبیەگان بکەیمن لەلایەن چەک و ژمارە ی چه‌كدار، وەلی ئەو کارە نەکردیمن، چوونکە ئیمە دوونیمن ک مقەیەتی ئەمن لە ئەرک فەرمانگە فەرمیەگان سلێمانیە، وئومیدخوازیمن ك حکومەتە خۆجێیەگە وه‌هاوکاری ئاسایش كارێگ بكه‌ن ك ئاینده‌مان جوور گوزه‌شته‌ نه‌ود.