پلاندانان كوردستان جياوازى له پيشكه‌شكردن خزمه‌تگوزارى له شاره‌يل هه‌رێم خسته دروو
2019-09-30 20:12:54
شه‌فه‌ق نيوز/ دارا ره‌شيد وه‌زير پلاندانان له حكومه‌ت هه‌رێم كوردستان، ئاشكراى ئه‌وه كرد كار و پرووژه‌يل حكومه‌ت گشت شاره‌يل هه‌رێم ئه‌گرێده‌و وه‌گووره‌ى پلان ستراتيجى ك گامه‌يل وه‌زاره‌ته‌گه له گشت كه‌رته‌يل ئه‌دێ وه‌خاتر ئاوه‌دانكردنه‌وه له ناوچه‌يل جياجيا.
وه‌زاره‌ت پلاندانان له به‌ياننامه‌يگ ئه‌را شه‌فه‌ق نيوز وت: دارا ره‌شيد وه‌زير له دانيشتنيگ وه‌ل ئاوات محه‌مه‌د پايمقام سلێمانى باس له كاره‌يل و پرووژه‌يل وه‌زاره‌ته‌گه كردگه له مه‌رزه‌يل پاريزگاگه له كه‌رته‌يل جياجيا.
به‌ياننامه‌گه يه‌يش ده‌رخست ك وه‌زير ئاماژه وه هه‌وڵه‌يل حكومه‌ت و وه‌زاره‌ته‌گه كردگه له‌وه‌ر خاتر جيوه‌جيكردن پرووژه‌يل خزمه‌تگوزارى له‌گشت شاره‌يل هه‌رێم كوردستان وه‌بى جياوازى، له‌ليانيش له‌ڕێ ته‌رخانكردن بودجه‌ى خواست ئه‌را جيوه‌جيكردن پرووژه‌يل.
