شەفەق نیوز/ یەکێتی نیشتمان کوردستان، ئمڕوو چوارشەممە، ئاشکرای رێککەفتن لەبان ئۆپراسیۆن هەماهەنگ كریاگ کرد له‌ ناوبەین هێزەیل فیدڕاڵی و هێزەیل پێشمەرگە و ئاسایش، ئەرا چارەسەری بۆشاییە ئەمنیەگان لە ناوچە دابڕیایلە، وقەزای خانەقین لە پارێزگای دیالە، ودڵنیای خەڵک کرد ک ئارامی وەی نزیکە لەقەزاگە جیگر بوود.
بەرپرسەیل و هاووڵاتیەیل لە قەزای خانەقین لە ری ئاژانس شەفەق نیوز، هاوارەیل فریاکەفتن بڵاو کردن، ئەرا حکومەت فیدڕاڵی و دەزگایل ئەمنی، ئەرا رزگارکردن قەزاگە لە سەختترین پەلامارەیل تیرۆرستانە، لە ساڵ ٢٠٠٣ ەو تا ئیسە، وداواکردن ک چارەسەریگ خێرا ئەرا پەلامارەیل ورویداوەیل بکریەێد.
لەبان ئەوە روژ یەکشەممە، ١٧ ئایار ٢٠٢٠ کۆبونەوی فراوانێگ لە پارێزگاگە بەسریا، لە فەرماندە ئەمنیەگان و حکومەتە خۆجێیگە، وبڕیگ لە پەڕلەمانتارەیل پارێزگاگە، ئەرا باسکردن لە شیواشیوە ئەمنیەگە، وبەرزەوبوین پەلامارەیلەگە لە دەورگرد قەزای خانەقین.
شێرکۆ میروەیس نوێنەر یەکێتی لە پارێزگاگە ئەرا ئاژانس شەفەق نیوز وت؛ کۆبونەوەیل و تۆێژینەوەگان ناوبەین شاندە کوردیەگە و وەڕێەوبەرایەتی دیالە، رەسیە رێککەفتنەیلیگ گونجیاگ، ئەرا وەکارهاوردن پلانەیلیگ هاوبەش ناوبەین هێزەیل ئەمنی و پێشمەرگە و ئاسایش لە ناوچە دابڕیاگان، وه‌تایبەت قەزای خانەقین ک رەوش ئەمنی خراویگ دی لەی ماوەیل دویاییە.
وتیش؛ باوەڕی لەلایەن دەسڵاتەیل وەڕیەوبردن و وەزاری دیمن، ئەرا بەشدارکردن پێشمەرگە و ئاسایش لە ئارام کردن خانەقین، ولەناوبردن حەشارگه‌ی تیرۆریسته‌یل وکۆتایی هاوردن وە شیواشیوەیل ک هەڕەشە له‌ هاووڵاتی دەن.