پيشنيار ياسايگ له‌وه‌ر تاووتويكردن و په‌سه‌نكردنى خريا وه‌رده‌س وه په‌رله‌مان كوردستان
شه‌فه‌ق نيوز/ وه ئامانج پيشكه‌شكردن راپۆرت كووتايى له‌باره‌ى پيشنيار ياساى بڵاوكرياگه‌يل بازرگانى له هه‌رێم كوردستان, ليژنه‌ى كاروبار ياسايى و رووشنهويرى له په‌رله‌مان كوردستان دانيشتنيگ هاوبه‌ش ساز كرد وه ئاماده‌بوين هه‌رسێ سه‌رۆك ليژنه‌يل ياسايى و رووشنهويرى و شاره‌وانيه‌يل، و له‌و دانيشتنيشه شماره‌يگ له ئه‌ندامه‌يل په‌رله‌مان و راوێژكار ليژنه‌يل ئاماده بوين.
ئه‌و هه‌رسێ ليژنه راپۆرتيگ هاوبه‌ش پيشكه‌ش كردن و له‌تى گشت هوير و تێبينيه‌يليگ خستنه‌ڕوێ و دوياى تاووتوێكردن گشت ئه‌و هوير وڕا و مادده‌و بڕگه‌يل پرووژه, راپۆرت كووتايى ئه‌را پرووژه‌ى ياسايى نويسريا و پيشكه‌ش وه ده‌سه‌ى سه‌رۆكايه‌تى په‌رله‌مان كريا وه ئامانج تاووتويكردن و په‌سه‌نكردنى.
جى باسه، ليژنه‌ى رووژنهويرى وه هه‌ماهه‌نگى وه‌ل ناوه‌ند توێژينه‌وه‌يل له په‌رله‌مان كوردستان ۆرك شۆپيگ له‌باره‌ى ئى پيشنياره‌و تاووتويكردنى ساز كرد وه ئاماده‌بوين ريكخرياگه‌يل كۆمه‌ڵگاى مه‌ده‌نى و شاره‌زايه‌يل له بوار ره‌سانن.
