شەفەق نیوز. وەڕیەوبەرایەتی پۆلیس پارێزگای هەولێر پایتەخت هەرێم کوردستان، ئمڕوو چوارشەممە، راگەیان لە دەسگیرکردن باندێگ دزی لە سێ کەس پاێکهاتگە، دویای کەمتر لە ٥ ساعەت لە چگنیان وەناو ماڵیگ ك زیاتر لە ١٠ هەزار دۆلار و بڕیگ چشت گران دزین.
بەیاننامەی وەڕیوبەرایەتیەگە ک رەسیە ئاژانس شەفەق نیوز وت: هێزەیل پۆلیس پارێزگای هەولێر تویەنست سێ کەس بگرێد دویای کەمتر لە پەنج ساعەت لە دزیکردن ماڵیگ لە گەڕەک هەولێری نوێ.
بەیاننامەگە ئاماژەدا ک سێ توومەتبارەگە چینە ناو ماڵەگە و گەنجینەیگ دزین ک زیاتر لە ١٠ هەزار دۆلار و بڕیگ چشت گران هاناوی، و وتیش توومەتبارەیل ئاشکرای توومەتەگه‌ لەبان خوەیان کردن.
وتیش؛ توومەتبارەگان بەند کریان وەگورەی مادەی ٤٤٣ لە یاسای سزاگان، و ئەوەسا رەوانەی دادگا کریەن ئەرا وەرگردن سزایان.