ئه‌و سه‌رچه‌وه‌ ئه‌را(شه‌فه‌ق نيوز)وت: دويای ئه‌وه‌گ هيزه‌يل پێشمه‌رگه‌ شار شه‌نگاڵ ئازاد كردن و له‌وه‌ر ئه‌و زانياريه‌يليشه‌ ك كه‌فته‌ ده‌س له‌باوه‌ت وجوود شماره‌يگ له‌ چه‌كداره‌يل ريكخرياگ داعش له‌و ئاوايه‌يله‌، هيزه‌يل ئاسايشی ده‌سكردنه‌ ئه‌نجامداين په‌لامار فراوانيگ ئه‌را بان ئاوايه‌يل كه‌ڕ جامع و زكدخان و كری بيدری ك زويتر وه‌رجه‌ داعش شوون نيشته‌جی هاووڵاتيه‌يل كورد بويه‌.

جی باسه‌، سه‌رچه‌وه‌گه‌ باس له‌وه‌يش كرد ك هيزه‌يل پێشمه‌رگه‌ تويه‌نستنه‌ زاڵ بوونه‌ ئه‌و ئاوايه‌يله‌و گشتيان له‌ژير ده‌سڵات ريكخرياگ ترۆريستی داعش ده‌ربارن.