پەڕلەمان کوردستان دەربارەی دەسوەردان سەربازی تورکی – ئیرانی هاته ده‌نگ
شەفەق نیوز/ پەڕلەمان کوردستان، ئمڕوو سێشەممە، راگەیان لە دامەزرانن دەسەیگ ئەرا چەودیریکردن ئۆپراسیۆنە سەربازیەگان تورکی – ئیرانی لەناو خاك هەرێمەگە.
نەزار غەفور ئەندام پەرلەمان کوردستان لە قسەیگی ئەرا ئاژانس شەفەق نیوز وت: لە پشت ئۆپراسیۆنە سەربازیەگان هێزەیل تورکی و ئیرانی، لە پانزەی حوزەیران وەفەرمانیگ لە دەسەی سەرۆکایەتی هەرێم کوردستان، ئمڕوو سێشەممە دەسەیگ دامەزریا ئەرا چەودیری ئۆپراسیۆنە سەربازیەگان ک لە ناوچە سنوریەگان بوود.
غەفور هەمیش وت: ئی دەسە ئەوەسا سەردانیگ ئەنجام دەێد ئەرا ئاوایە سنوریەگان ک ئەو ئۆپراسیۆنەیلە لەتیان ئەنجام دریەێد، و دەسکەێدە نووسانن راپۆرتیگ وورد لە زەردەگان ئەو ئۆپراسیۆنەیل سەربازیە، و ئاماژەدا ؛ دویای ئەوە پەڕلەمان دانیشتنیگ تایبەت وەئەوە ئه‌نجام ده‌یه‌د.
جی باسە ک هێزە تورکیەگان وەرجە دوو هەفتە گوەرزەیل ئاسمانیی لەبان ناوچە سنوریەگان و لەناو هەرێم کوردستان وه‌شانن ، ک بویە زەرەدەیلیگ گیانی و دارایی، و ئەنقەرە ئووشێد ک خوەی گه‌ریلایه‌یل پەکەکە کردگەسە ئامانج.
