کۆبونەوەیگ ئەمنی و پەڕلەمانتاری پیشنیار هاوردنەوەی پێشمەرگە ئەرا خانەقین ئه‌كا
شەفق نیوز/ ئەرا باسکردن لە شیواشیوە ئەمنیەگە، وبەرزەوبوین پەلامارەیلەی دەورگرد قەزای خانەقین، ئمڕوو یەکشەممە، کۆبونەوەیگ ئەمنی وڵاویگ لە پارێزگای دیالە بەسریا، ئەرا فەرماندە ئەمنیەگان و حکومەتە خۆجێیەگە، وژمارەیگ لە پەڕلەمانتارەیل پارێزگەگە.
شێرکۆ میروەیس ئه‌ندام له په‌رله‌مان عراقی ئەرا شەفەق نیوز وت: لە کۆبونەوەگە وەل فەرماندە ئەمنیەگان باس هۆکارەیل بەرزەوبوی پەلامارە تیرۆرستەیلە ، ودویاکەفتن ئارامی لە ئاوایەیل خانەقین کریا . وتیش؛ رێککەفتیمنە لەبان بڕیگ بڕیار و پیشنیار ، ک رەوانە کریەێن ئەرا حکومەت فیدڕاڵی و دەزگا ئەمنیەگان.
میروەیس هەمیش وت؛ کۆبونەوەگە پیشنیار بتەوکردن هەماهەنگی کرد، ناوبەین هێزەیل ئه‌منی و حەشد و پێشمەرگە، و گرنگی بەشداریکردن پێشمەرگە لە کەیسە ئەمنیەگەی دەورگرد خانەقین، وتیش؛ بەشدارکردن پێشمەرگە لە کەیس ئەمنی خانەقین، بڕیار سیاسی خوازێد، و ئەوەسا کۆبونەوەیگ نزیک کەیمن وەل وەزارەتەیل ئەمنی، ئەرا باس ئی کەیسە تا بڕەسیمنە ئەنجام خاسیگ.
