شەفەق نیوز/ فراکسیۆن کومەڵەی ئیسلامی لە پەرلەمان کوردستان، ئمڕو چوارشەممە، راگەیان لە دوارە هاوردنەوەی پارێزبەندی ئەرا سۆران عومەر ئەندام پەرلەمان.
فراکسیۆنەگە لە بەیاننامەیگ وت؛ دەسخوەشی کەێد لە رێواز فایەق ئەرا ئی بڕیارە.
پەرلەمان هەرێم لە مانگ ئایار وەرین دەنگدا لەبان هەڵگردن پارێزبەندی لەبان سۆران عومەر سەعید لە فراکسیۆن کومەڵ ئیسلامی.
ئومێد خۆشناو وەرپرس فراکسیۆن پارت دیموکرات کوردستان لە پەرلەمان کوردستان ئی بڕیاره‌ رەتکردو وت؛ نەبایەسە بڕیار پەرلەمان وەهەڵگردن پارێزبەندیەگە پویچەڵ بکریەێد.
عومەر تومەتبار مەسرور بارزانی سەرۆک وەزیران هەرێم کوردستان کرد وە ماڵداریی بانک وکۆمپانیایگ، بەڵکم نووسینگە راگەیاننەگەی داوا لە عومەر کرد بڵگەگان بخەێدە وەردەس لەبان هەڵوەسانیەگانی، یا وەرپرسایەتی یاسایی هەڵگرێد لەبان خه‌ڵه‌تانن رای گشتی.