شەفەق نیوز/ سەرچەوەیگ خۆجێی، پەنجشەممە، خەوەردا لە کوشیان وزەخمداربووین ٧ کەس لە گورز ئاسمانی نەناسریاگیگ ك ماشینیگ کردە ئامانج و یەکیک لە ئەندامەیل پەکەکە لەناوی بوی.
کامیران عەبدولڵا وەڕیەوبەر ناحیەی گاپیلۆن ئەرا ئاژانس شەفەق نیوز وت: لە ناوەند ناحیەی گابیلون سەروە قەزای ماووت لە پارێزگای سلێمانی، فڕۆکەیگ نەناسریاگ مووشه‌كیگ دا له‌ ماشینیگ ك یەکیگ لە ئەندامەیل پەکەکە لەناوی بوی.
عەبدوڵا دیاریکرد ک گورزەگە بویە هووکار کوشتن ئەندامەگەی پەکەکە، و هەمیش زەخمداربووین ٦ کەس.
وەڕیەوبەر ناحیەگە هەمیش وت: زەخمدارەیل لە گەشتیارەیل بوین ک دوو پیاو و دوو ژن و دوو مناڵن .
گومان هه‌س ک تورکیا لە شوون پەلامارەگە بوود، ک وەی دویاییە و لە سەرەتای ئی هەفتە، گورزەیل ئاسمانی و توپواران لەبان ناوچەیل سنووری خەسەو کردگە لە ناو هەرێم کوردستان، . ئەنقەرە ئووشێد خوەی گه‌ریلایه‌یل پەکەکە کەێدە ئامانج.
گورزەگە رەتکردن حکومەت هەرێم کوردستان لەلیەو بوی ک داوا لە گه‌ریلایه‌یل پەکەکە کردگه‌ ئه‌را نواگردن له‌ جه‌نگ، لەناوچەگە دەرچن.