وه‌گووره‌ی هه‌واڵ ئاژانس"دووربين"نزيك له‌ جه‌ماعه‌ت تونڕه‌و ئسلامی و مه‌لا كرێكار پياو ئايينی كورد ك(شه‌فه‌ق نيوز)ئاگاداری بوی، ئه‌وه‌ ده‌ركه‌فت ك دووان له‌و جايه‌ڵ جوانه‌يله‌ ك خوه‌يان ته‌قاننه‌سه‌و له‌ نه‌خوه‌شخانه‌ی حه‌له‌ب خه‌ڵك شار سلێمانی بوينه‌و زه‌مينه‌سازی كردنه‌ ئه‌را زاڵبوين به‌ره‌ی نوسره‌ له‌بان ئه‌و نه‌خوه‌شخانه‌ ك بنگه‌يگ ئاسايشی سوپای به‌شار ئه‌سه‌د سه‌رۆك سوری بويه‌.

ئاژانس ناوبرياگ يه‌يش ده‌رخست ك ئه‌و هه‌ردوگ جايه‌ڵه‌ دو ناو خوازرياگ داشتنه‌و وه‌ناو ئه‌بو توراب كوردستانی و ئه‌بو وداع كوردستانی و له‌بان وه‌سيه‌ت هه‌ردوگيان شيوه‌و ناوه‌يليان ئاشكرا نه‌كرياگه‌و سه‌ياره‌يگ بارهه‌ڵگر وه‌پيان بويه‌و له‌ناو نه‌خوه‌شخانه‌گه‌ ته‌قاننه‌سه‌ی و ئه‌و جايه‌ڵ جوانه‌گه‌يش ك له‌ شار ته‌ل حمس سه‌ر وه‌ پاريزگای حه‌سه‌كه‌ كوشياگه‌ ناسرياگه‌ وه‌ ئاكۆ عه‌بدلقادر و له‌ساڵ ١٩٨٧ هاته‌سه‌ دونياو له‌وه‌رجه‌ ١١ مانگ په‌يوه‌ندی كرده‌سه‌ چه‌كداره‌يل ريكخرياگ قاعيده‌.

ج . أ