ياسايی نوێنه‌رايه‌تی كاريگه‌ری هه‌ڵوژاردنه‌يل له‌بان دوياخستن بودجه دويره‌و خست
2013-12-17 09:50:50
حه‌سه‌ن ياسری ئه‌ندام ليژنه‌ی ياسايی له‌باسيگ ئه‌را(شه‌فه‌ق نيوز)وت: واده‌ی ئه‌نجامداين هه‌ڵوژاردنه‌يل كاريگه‌ری نه‌يريد ئه‌گه‌ر بڕيار بودجه نه‌دريه‌يد، چوينكه ئه‌نجامداين هه‌ڵوژاردنه‌يل له ده‌ستوور دياری كرياگه ك وه‌رجه ٤٥ رووژه له كووتاييهاتن خول هه‌ڵوژاردن و يه‌يش وه‌و ماناسه ك په‌رله‌مان دياری واده‌گه ناكا، به‌ڵكوو واده‌گه هه‌ر له بنه‌ڕه‌ته‌و له‌لايه‌ن ده‌تووره‌و دياری كرياگه.
ياسری هه‌ميش وت: مه‌سه‌له‌گه مينيده بان هه‌ڵويست كومسيۆن و په‌يوه‌س نه‌كردن كاره‌يلی وه بودجه، چوينكه كومسيۆن گشت هه‌قه‌يل دارايی خوه‌ی له‌وه‌ر خاتر وه‌ڕيه‌وبردن هه‌ڵوژادنه‌يل وه‌رگرتگه.
ج . أ
