ئاژەڵیگ هالە ژیر هەڕەشەی لەناوچگن بوودە ئومیدیگ ئەرا چارەسەرکردن کۆرۆنا
شه‌فه‌ق نیوز/ تاقیکردنەوەیل زانستی نوویگ ئاشکرا کردن ک لەشە دژایەتیەگان لە خوین ئاژەڵ ''لاما'' شایەت بوودە چارەسەری سحرییگ ئەرا ڤایڕۆس سارس ک خوەی هووکار ڤایڕۆس کۆڕناس، لاما لەشەیل دژایەتی فرە بویچگیگ دروس کەێد وەپی ئووشن لەشە نانۆیەگان، ک خوەی چاپ بویچگیگە لە لەشە دژایەتیگان لە وەرگری لەش ئایەم.
بوود ئی لەشە دژیایەتی سروشتیەگە خەسەو بکریەێد ئەرا لاداین ڤایڕۆسرگە وە گیرهاوردنی وە پڕۆتین گول ک کار سەرەکییگ دیرێد لە دزەی ڤایڕۆسەگە وەرەو خانەیل ئایەم.
هیمان توێژینەوەگە هالە قۆناغ سەرەتایی، بەڵکم وەزوی گەشە کرد، ک ئەکادیمیەگان لە پەیمانگای رۆزالیند فڕانکلین لە زانکۆی ئیکسفۆرد كوششه‌یلیان خەسەو کردن ک بویە هووکار لە کەمەوکردن ماوەی توێژینەوەگه لە ماوەی ساڵیگ ئەرا تەنیا ١٢ هەفتە.
ماڵپەڕ دەیلی میل لە زوان پڕۆفیسۆر جیمس نایمیس وەڕیەوبەر پەیمانگای رۆزالیند فڕانکلین و مامۆستای زیندەوەری لە زانکۆی ئیکسفۆرد، ک توێژینەوەگە نووسان وت: ئی لەشەیل نانۆییە توانای ئاڵشتبوین دیرێد ئەرا پلازمای خاسەوبوین، ک نوای ڤایڕۆسەگە گرێد لە بیمارەگان.
زاناگان لەشە نانۆیەگە لە لاماێگ بردن وەناو فیفی لە زانکۆی ریدینگ، و دەسکاریی کردن تا سەرکەفتن لە دروسکردن دو لەش نانۆیی هاوشیەوە، و هەردوگ لەشەگە وەکارهاوردن ئەرا لاداین سارس زنی، و لەشەگە لاداین خاسیگ دیارکرد لە ڤایڕۆسەگە و نواگردنی لە وەناوچگن خانە ئایەمیەگان، و کاریگەری لەشە یەکەمەگە وە هێزتر بوی.
