شەفەق نیوز/ پێشبینە ک لە ماوەی پەنج تا هەیشت ساڵ، پاتایگ باێد فرە لە کۆڤید-١٩ بکوشتر بوود، وەگورەی قسه‌یل ئەو زانا ک پێشبینی قەیران ئیسە کرد.
پڕۆفیسۆر تۆم کوچ، ئەرا چەن ساڵیگ هووشداریدا لە پەتای نوو گەورایگ ک چارەسەی نەیرێد ئەوەسا جهان ویران کەێد، و مەزەنەکەێد ک ماوەی ناوبەین پەتاگان کوڵترەو بویە، وپێشبینی کەێد بیماریە هاتگەگە دڕندەتر بوود.
پڕۆفیسۆر کۆتچ، پسپۆڕ بیماریەگان کەنەدیەگە لە زانکۆی کۆلومپیای بریتانی وت: کەی تیەێد و چوون بوود، کەس ئەیە نێزانێد، بەڵکم زانیمن پاتایگ تیەێد.
رۆژنامەی دەیلی ستار بریتانی قسەگەی نووساد: ک وە نووڕستنیگ ئەرا زیایبوین رێژەی بڵاوبوین پەتاگان لە کۆمەڵیگ بەکتیریا و ڤایڕۆس، شایەت پەتاگە لە پەنج تا هەیشت ساڵ بانان بوود.
وتیش: ئەرا ماوەی سێ ساڵ موحازەرە دامە کۆمەڵەیل پزشکی ئەکادیمی لە باوەت پەتای ئایندە، ئەراوە سەرسام نەویم لە رەسین یەکیگ تر، وەوجوورە ک هەمیشە وتیام، گشت هووکارەگان پڕۆپاگندە کەن ئەرا پەیابوین پەتاگە لە شوونە گونجیایەگە.
کۆتچ ئاماژەدا؛ خوەشبەختانە ک رێژەی مردگەیل کۆڤید-١٩- ١ لە سەدە، واتە کەمترە لە پەتا مەزنەگان لە مێژوو، ک رێژەی مردنیان زیاتربوی لە ٢٠%، وەلی لە جار هاتگ شایەت خوەشبەخت نەویمن.
پڕۆفیسۆرەگە هووشداریدا؛ ک بریتانیا بایەسە وەیەکەو کار بکەێد، وەزویتر لەوە ک وەگەرد ڤایڕۆس کۆڕۆنا کرد، وتیش؛ حکومەتەگە وەختەگە گومکرد وە پارێزبەندی رێین، ک بڕیاربوی شکست بارێد.
هەمیش وت: هیچ جیگریگ پەیا نەوی ئەرا کەمەوەکردن گردەوبوینە گشتیەگان، وپشتگیری وەکارهاوردن دەمامەک و دەسشوردن بکەێد.