شه‌فه‌ق نيوز/ "ماري كريستين بالاغتاس" شاجوان فلپين له‌ناو ماڵه‌گه‌ى خوه‌ى له‌ شار بولاكان له‌لايه‌ن دو چه‌كدار نه‌ناسرياگ كوشياو دوياخريش واين وه‌ره‌و شوونيگ ناديار.

وه‌ گووره‌ى هه‌واڵه‌يل شاشه‌ نيوز، ئه‌وه‌ ده‌ركه‌فت ك ئه‌و هه‌ردوگ چه‌كداره‌ له‌ ده‌رقاپى ماڵ شاجوانه‌گه‌ وسيانه‌و وتنه‌سه‌پى قاپى واز بكه‌ گوڵ ئه‌راد هاورديمنه‌ وه‌ ديارى، ئه‌ويش قاپى واز كردگه‌ بچوود گوڵه‌گه‌ له‌ليان وه‌ربگرێد يه‌كسه‌ره‌ وه‌ گوله‌ كوشتنه‌سه‌ى و هه‌يواينه‌.

جى باسه‌، له‌ى باوه‌تيشه‌و، خوليۆ ليزاردۆ سه‌رپه‌رشيار له‌ پۆليس بلاريدل وت: ئيمه‌ حاڵ حازر چه‌وديرى گرتن ئه‌و تاوانباره‌يله‌ ئه‌كه‌يم.