شه‌فه‌ق نيوز/ مه‌ردم ئاواييگ له‌ ولايه‌ت كنتاكى له‌ وڵاته‌يل يه‌كگرتگ ئه‌مريكى ئه‌را جار چواره‌م سه‌گيگ ئه‌را پۆست سه‌رۆك شاره‌وانى هه‌ڵوژانن، ئه‌ويش دوياێ سه‌ركه‌فتنى له‌بان پشى و خه‌ر و مامر و ئاژه‌ڵيگ تر ك خاوه‌نه‌يليان كانديديان كردوێن ئه‌را ئى پۆسته‌.

جودى بامفورس خاوه‌ن سه‌گه‌گه‌ خوه‌شاڵى خوه‌ێ نيشاندا ئه‌را سه‌ركه‌فتن سه‌گه‌گه‌ێ ك ناوێ برينيت باولترو و ته‌مه‌نى 3 ساڵانه‌ و بدێده‌ سه‌رۆك شاره‌وانى ئاينده‌ ئه‌را ئاوايى رابيت هاش ك 125 كيلۆمه‌تر له‌ باكوور شار ليكسينغتون دويره‌.

جى باسه‌، بوبى كايسر ك كار له‌ كۆمه‌ڵه‌ێ مێژوويى شاره‌گه‌ ئه‌كا، وت: ئى هه‌ڵوژاردنه‌يله‌ له‌ كووتايى ساڵه‌يل نه‌وه‌د سه‌ده‌ێ گوزه‌يشت ده‌س وه‌پيكردگه‌و ئامانجى گرده‌وكردن ته‌به‌روعات بويه‌و هه‌ر كه‌سيگ له‌ وه‌رانوه‌ر ده‌نگداينى بايه‌سه‌ يه‌ك دۆلار بيه‌ێد و پويله‌گه‌ێشى ئه‌را په‌ره‌داين ئاوايه‌گه‌ێ وه‌كار بريه‌ێد.