پۆليس عراقى سويريگ ئه‌را دو هاوسه‌ر له سه‌رده‌م كۆرۆنا ئه‌نجامدا
شه‌فه‌ق نيوز/ له شاره‌يل عراقى قه‌يه‌غه‌ى هاتوچوو ئه‌را زياتر له دو هه‌فته‌سه ده‌س وه‌پيكردگه‌و له چوارچيوه‌ى رێ وشوونه‌يل خوه‌يپاريزى له ڤايرۆس كۆرۆنا، بوونه‌يل كۆمه‌ڵايه‌تى وسيانه، وه‌لێ هيزه‌يل پۆليس له پاريزگاى ديوانيه ئه‌و رێ وشوونه‌يله ئاڵشت كرد.
له ديوانيه له باشوور عراق كه‌سيگ په‌يوه‌ندى كرده پۆليس فرياكه‌فتن و داواى ده‌سميه‌تداين له‌لى كرد ئه‌را ئه‌نجامداين سويركردن ك تواس له‌ليان هاوسه‌ره‌گه‌ى ئه‌راى له ماڵ خيزانه‌گه‌ى ئه‌را ماڵه‌گه‌ى خوه‌ى جيواز بكا وه سه‌ياره ك زه‌حمه‌ت بوى له‌ى وه‌خته‌يل قه‌يه‌غه‌ى هاتوچووه.
جى باسه، پۆليس له جياى ئه‌وه‌گ سه‌ياره ئه‌را بووك و زاوا ئاماده بكا، مه‌وكبيگ له سه‌ياره‌يل پۆليس وه‌ل تيميگ مۆسيقاى سه‌ربازى ئاماده كرد و كه‌فتن وه‌ل زاوا و ره‌سينه ماڵ بووك و هاوردنه‌يان و هاتنه‌و ئه‌را ماڵ زاوا، ك وه‌و جووريشه رێ وڕه‌سم سويركردنيان ئه‌نجام دان.
