ئه‌نده‌ونيزيايه‌يل، گاگا كل كه‌ن ئه‌را دۆزه‌خ
2012-05-30 10:48:03
كۆنسێرته‌گه‘‘جاكارتا‘‘ نه‌گرێدو داواى وه‌خشين له هه‌واداره‌يلێ بكا.
گاگا له ته‌مام جه‌هان وه گۆڵ پێشوازى له‌لێ ئه‌كريه‌يدو هه‌واداره‌يلێ وه ئاوه‌ختى ئاماده بوينيان له كۆنسێرته‌يلێن، وه‌لى وه چه‌واشه‌و، له ئه‌نده‌ونيزيا، هه‌زاران كه‌س رشيانه بان شه‌قامه‌يل و ناره‌زايه‌تى خوه‌يان له‌وه‌رايوه‌ر هاتن گاگا ئه‌را وڵاته‌گه‌يان نيشاندان.
خوه‌ى نيشانده‌ريل وه دروشم‘‘بچوو ئه‌را دۆزه‌خ گاگا‘‘ هه‌ڕه‌شه له‌لێ كردن ك ئه‌گه‌ر كۆنسێرت ئه‌نجام به‌ێد، هه وه‌ل ئسته‌يجێ ك له بانێ كۆنسێرت ئه‌كا، ئاگرێ ده‌ن. ئه‌را يه‌يشه، گاگا ناچار بوى ئه‌ى كۆنسێرته له‌ى وڵات نه‌كاو داواى وه‌خشين له هه‌واداره‌يل خوه‌ى بكا.
گاگا له په‌يامێگ، جواو خوينشانده‌ريل داو ئێژێ: رق و كينه هويچ چشت پيرۆزێ له‌تێ نيه./ش
