شه‌فه‌ق نیوز/ ئەنجلینا جولی هەسارەی سینەمای جهانی، روژ پەنجشەممە، موم چلەوپەنجمی ته‌مه‌نی کوشانەو، وئاهەنگیگ لەساڵیاد دایگبوونی وەگەرد مەلیۆنها دووسەیلی لەجهان به‌رپا كرد.
جولی ک جوور ئی روژە لە ساڵ ١٩٧٥ یەکەم قیژەی هاتە بان، ئیجا هەسارەگەی لە جهان وەناوبانگەیل بریقەدا، یەکیگە لە وەناوبانگترین سینەماكاره‌یل ئەمریکا، ک وەداهێنانەگەی توێەنست لە بڕیگ دەور ئەکتەری سەربکەفێد، چ لە دراما و چ لە جوولە، وبچوودە ناو دڵ مەلیۆنه‌ها لە دووسداره‌یل سینەما.
ئەرا ناو دڵ چگنی نەگ تەنیا وە کارەیل سینەمایی بوی، یا خەڵاتە تایبەتەگان ک وەریان گرد، یا لەوەر جوانیە فرە رەنگینەگەی، بەڵکم هەمیش لە کارە مرۆڤایەتیە گەوراگانی، چوینکە ئی هونەرمەن ئەمریکی گەورا، ک لە خود وەختەگە باڵوێز نەتەوە یەکگردگەگانە ئەرا نیازە خاسەگان، ک بەناوبانگەو بوی هەمیش چوینکە ئیوەت ٦ مناڵ وازلیهاوریاگ کرد، وروشنایی خستە بان بڕیگ لەباوەتە مرۆڤایەتیەگان، جوور هەژاری و ورسگی، گرفت گەل ومناڵ له‌ بڕیگ لە وڵاتە ئەفریقیاگان.
جولی ک لە فیلمەیل جووڵە وەناوباگ بوی، وەل ئەکتەر ئەمریکی وەناوبانگ بڕاد بێت، وەگورەی روژنامەی نیتۆرس، دیاری دارایگەی کرد لە روژ لەدایگبوینی، ک وە ١٠٠ مەلیۆن دۆلار مەزەنە کریەێد.
لەوەختیگ وەرین، جولی خەڵات رەنگینترین لیو لەناو ئەکتەرەیل هۆڵیۆد وەرگرد، وەخاتر لیەوە جیوازەگەی، ئی خەڵاتە خستەی نوای بڕیگ رەخنە، لەلیان وت جوانکاری پزشکی ئەرا لیەوەیلی کردگە، بەڵکم وینەیل مناڵی خوەی بویە بەڵگەیگ دژ وە ئه‌و رەخنەیله‌ .
جوور بڕیگ لە هەسارەیل هۆڵیۆد، ژیان ئەنجلینا بڕیگ گرفت لەناوی بوی، لەلیان جیابوونی لە هاوسەرەگەی، بڕاد بێت ئەکتەر، دویای زیاتر لە ١٥ ساڵ هاوسەری.