ناهوا ئۆلین، ئەو ناوە ک لە شارستانیەت ئەزتەک* هاتگە،ک واتەگەی چوارم جویلەی خوەرە لە روزنامەی ئەزتیک (زەویلەرزە و گەردەلویل)، لە مەوقەی نووەو کردن گەردون، ئەو ناوە ک بڕیاگە باڵای شیوەکارو شاعیر مەکسیکی بەناوبانگ (ناهوا) لە سەدەی نوزدەهەم، وناوە راسیەگەی (کارمن مۆندڕاگون) بوی، هونەرمەن مەکسیکی جیڕاڕدو مۆڕیڵۆ ناو ناهوا بڕیە باڵای، چوینکە ناهوا جوانییگ شەیداکەر داشت، وروخساریگ پڕشنگدار،  هەرکە دیادەی واڵهی بویاد، وزەی گەرم ناهوا بویە تیشک داهێنان ئەرا بڕیگ لە هونەرمەنەیل، وەل رەنگینیەگەی وتایبەتی کاریزماگەی، بیجگە ئەوانە، ناهوا زیرەکی تیژیگ داشت.

لەو هونەرمەنو داهێنەرەیلە ک کارەگەری ناهوا لەبانیان بوی؛ رۆماننوس هۆمیڕۆ ئەریدجیس، شاعیر تۆماس زۆریان، نوسەر یەدریانا مالدیفۆ، وشیوەکار دێیگۆ ریڤێڕا، وینەگر کارتێیە بڕیسۆن، نوسەر ئاڵان بۆڵ مالارد ک ژیاننامەی نویسا، ک وەپی بەڵگەنامەیگ دروس  لە پەیوەندیگ ناوبەین ژنیگ هارو جوور گەردەلویلە، وەل وەناوبانگترین شیوەکار تایبەت وە بورکانەیل  جیراڕد مۆلیڕۆ، ک لە یەکەمین شیوەکارەیل سروشتیە، تایبەت وە بورکانەیل، ک شەیدای ناهوا بوی تا پلەی شیتی، هەرچەن جیوازی تەمەن ناوبەینیان ٢٠ ساڵ بوی، ناهوا هویچ پاپای نەوی، گشت پیاوەیل شەیدای بوین، بەڵکم خوەی شەیدای کەسیگ نەوی، هرچەن بویە هاوسەر جیڕاردۆ، ک وەنابانگەو بوی وە کیشان تابلۆیگ تایبەت وە دوڕیان بیاهامۆ، ساڵ ١٩٥٢ .

لەساڵ ١٩٢١ هەردووگیان یەکترەکی دین، وپەیوەندی کاڵیگ ناوبەینیان دروس بوی، ئی شیوەکار سروشتیە، بویە عاشق ناهوا جوی کارساتیگ سروشتی نەناسریاگ، چیە گژ بەرزترین لوتگەی کویەیل مەکسیک، ونیشتە دیار پەیابوین بورکانەیل، بەڵکم نەتوێنست دڵ ناهوا گیر بارێد، تا پای ئی شیوەکارە بڕیا وەهۆی شەکرەو، دی ئەو شیوەکارە خوسەی لەخوەی هات، چوینکە دڵی هەمیشە ناهوا خوازیاد، ک لەو دوسی گەورایە تەنیا وینەگان وتابلۆگان مەنن، ک ئەرا ناهوا کیشادەی، تا لە یەیگ لە گەشتەگانی ئەرا کوبا شیوەکارەگە مرد، و ناهاو مەنە رەوشیگ لە تەنیایی و شەرمی، ویادەیل ئازاردار، ک جیرۆکیگ ناخوەش ئەرای مەنەو، تا لە ساڵ ١٩٧٨ مردن نوای گرد.

*ئەفسانەیل ئەزتیک سەردەمەیل گەردون کردیانە پەنج بەش، هەر بەشیگ خوەریگ جیواز دەسڵات لەبانی داشت.