جانێ: تا دەوڵەت كوردی دروس نەدێ شوی ناكەم
هۆزان جانێ له ساڵ 1969 له شار ئه‌رزه‌روم له داڵگ په‌يا بويه، جانێ فره جار باس شوينەكردن خوه‌ی كردگە، وه‌لی ئيجاره وه گوڤار سڤيل وتگه: تا باكوور كوردستان ئازاد نەدێ و كوردستان نەدێدە دەوڵەت شوی ناكەم و هه‌ميش وتگه "بڕیار دامە لەبوونەی راگەیاندن دەوڵەت كوردی له‌هەمان رووژ شويكردن خوه‌م ئعلان بكه‌م".
لەبارەی مەرجەیل ئەو پیاوەگ جانێ هەڵیوژنێ ئويشێ "بايه‌د یەكەم چشت كوردپەروەر بوود و لەهونەر بڕه‌سێده‌و، هەميش قه‌درم بگرێ و لەعومر خوه‌م بوود، دەوڵەمەنی له‌لای من گرنگ نییە".
هه‌ميش ئويشێ "من ئويشم دويه‌ت كورد لەگشت دويه‌ته‌يل دنیا زیرەكتر و جوانترن، بیرۆكەی جوان ديرن، كارەيلیان فره رەنگین و نایابن، وه‌لی ئەوەگ من نگەران كردگە، بيجگە لەشويكردن هویر لەهویچ چشتێگ تر ناكەنەو، ئيچنه ئەزانن دويه‌ت ئه‌را ئەوە خه‌ڵق كرياس تا شوی بكا، وه‌لی دويه‌ت بايه‌د جوور پیاو ته‌قالا ئه‌را باوه‌ڕنامەی بەرز و پڕۆژەی گەورا لەروی سیاسی و بازرگانی و هونەری ئەنجام بياد، دوياتر هویر لەشوی بكا”.
ا. ج
