شەفەق نیوز/ دوللی پارتۆن، هەسارەی گورانی ئەمریکی، ئاشکرای نووسین گورانی نوویگ کرد، لەباوەت قەیران ڤاێڕۆس کۆڕۆنا.

گۆڤار ئینتیرتینمینت ویکلی ئەمریکی ک تایبەتە وە خەوەر سینەما وهونەر، باس کرد ک  ناو گورانیەگە ( وێن ڵایڤ ئیز گود ئەگێن) (هەنای ژیان دووارە خاسەوبوود)، رەوش مەردم جهان درخەێد لە سای کەرەنتینە.

پارتۆن ک تەمەنی ٧٤ ساڵە لەبان سایت تویتەر نووسا ( ژیان دووارە خاسەوبوود) جوور ئاماژەیگ ئەرا گورانیە نووەگەی ک لە بان سایتەگەی خوەی لە یوتییب داوەزانێ.