ره‌زا عه‌لى هونه‌رمه‌ند غه‌ریب كورد فه‌یلى
2015-04-13 06:14:24
ئێ كه‌ڵه هونه‌رمه‌نده له ڕى ئاواز دانان ئه‌ڕا ، گورانى چڕه‌یل ناودار عه‌ره‌ب جور (نه‌هاوه‌ند) و (فائزه ئه‌حمه‌د) و (سه‌میره ته‌وفیق) و (نه‌رجس شه‌وقی) و (ئنساف مونیر) و (راویه) و (فه‌هه‌د به‌لان) ناوبانگ له جه‌هان هونه‌ر عه‌ره‌بى ده‌ركرد.
ره‌زا عه‌لی ته‌نیا گورانى چڕ و ئاواز دانه‌ر نه‌وێ ، به‌لكم جور ئه‌كته‌رێگ سه‌ركه‌فتگ له فلمه‌یل سینمایی عراقی به‌شدارى كردێه جور فلم (ئرحه‌مونى) و له فلم (لوبنان فی ئه‌لیل) ك له وڵات لوبنان وینه‌گانێ گریا به‌شدارى كرد. ئى فلمه له ده‌راوردن گورانى چڕ لوبنانی محه‌مه‌د سلمان بوێ و هونه‌رمه‌ند ناودار عه‌ره‌ب سه‌باح و سه‌میره ته‌وفیق و روشدى ئه‌بازه له‌تى بازی كردنه و له‌ى فلمه هونه‌رمه‌ند ره‌زا عه‌لى گورانى (ئسئه‌لوه لا تسئه‌لونى) چڕى ك دویاخریش خانمه هونه‌رمه‌ند ناودار عراقى (مائده نه‌زهه‌ت) ئه‌و گورانیه وه‌ده‌نگ خوه‌ێ تومار كرد.
هونه‌رمه‌ند گه‌وراى كورد فه‌یلى ره‌زا عه‌لی ، دوچار مه‌ینه‌تى و نه‌هامه‌تى فه‌ره‌ێگ هات وه‌خاتر كورد بوێنێ و له وه‌خت كوچ وه‌پێكردن كورده‌ێل فه‌یلى له لاێه‌ن ڕژیم به‌عسه‌وه ، هه‌ڕه‌شه‌ى ده‌كردنێ له عراق له‌لێ كریا ، وه‌لێ وه پاده‌ر میانى كه‌ساێه‌تیه‌ێل نزیك له ڕژیم به‌عس ، فه‌رمان كوچ وه‌پێكردنێ هه‌لوه‌شیاوه و ئمجا له كار هونه‌رى دوێره‌و خریا و سه‌ره‌نجام ناچار بوێ له ساڵ 2001 روێ بكه‌ێگه وڵاتێگ ئه‌وروپى و له‌وره له كارخانه‌ێگ به‌رهه‌مه چه‌رمیه‌گان كار بكه‌ێگ. له شوون ڕمیان ڕژیم دكتاتوری به‌عس ، سه‌ر له نوو دیده‌ى وه نیشتمان شاده‌و بوێ و چه‌ن گورانیێگ ئاینى تومار كرد و سه‌ره‌نجام له 5 نیسان 2005 له هه‌نده‌ران ئه‌ڕا هه‌میشه چه‌و له جه‌هان به‌سا و ماڵ ئاوایی له خانه‌واده و دوسداره‌یل هونه‌ره‌گه‌ى كرد.
علی الرفاعی
سه‌رچاوه فه‌یسبوك
ج ك
