شەفەق نیوز/ زانایلیگ ئوستڕالی، شەممە، چینیگ نەناسریاگ لە لەشە ئاسمانیەگان دینەو، ک مەزەنە دیرن خوەی ئاسەوار شەپۆل لیەکدانیگە لەئەنجام بڕیگ لە رووداوە گەوراگان لە دەیشت گەلە هەسارەگەمان.
ئی لەش خڕیەل ئەڵاجەویە لە کۆتایی ساڵ ٢١٠٩ لە ری تلیسکۆپ رادیۆیی ئوستڕالی دینەو، ، بەڵکم خوەیان کارەگە لەو وەختە وە نهێنی هیشتن، و ئاشکرای نەکردن، و تەنیا لە رادیۆگە کەفتیادە وەرچەو، و لە تیشک ژیر سووریی و سینی و روبەر چەو، ئاشکرا نەوی.
زاناگان ناو ''بازنەیل رادیۆی ئەڵاجەوی'' ئەرای بڕین ، یا '' دیوەگان'' . شیوەی لەشەگان، ک ئمڕوو دینەوەی، مینێدە بازنە یا پفیلکە، لەشەگان کەفنە هێڵەیل پانی لە گەلەهەسارەی بەرزیگ، ک تیرەگەی رەسیدە دەور یەک خولەک وە پەیمانەی ئاسمانی، '' دەور ٣% لە قەوارەی مانگ''.
زاناگان نەتویەنستن دیاری قەوارەی راسی لەشەگان بکەن، چوونکە روبەرەگە ئەرایان تا ئیسە نەزانریاگە، وەگورەی گۆڤار زانستی Nature و ک ماڵپەڕ arxiv دینەوەگە بڵاو کرد.
زاناگان مەزەنە کەن ک '' دیوەگان'' شەپۆل لەیەکدەری خڕ زەبەلەحە، لە ئەنجام بڕیگ رووداو گەورا دروس بویە لە دەیشت گەلە هەسارەی ری کەیفرووشەیل.
وگورەی زاناگان، ئی لەشەیل ئەڵاجەویە نەگونجیاگە وەل هەر چینیگ لە زانستە ناسریایەگان، و ئیسە خەریک گردەوکردن زانیارەگان و ئەو بەڵگەنامانه‌ن ئەرا دیاری کردن چوونیەتی، وئایا بوود چشتەیلیگ ناسریاگ لە ری زانست شیوەی ئەڵاجەوی بیاشتود، یا خوەی چشت نوو و نەناسریاییگە لە ئاسمان بی کۆتایی.