شەفەق نیوز/ سایکی هەوا رۆمانیگ ئیسپانیە لە ساڵ ٢٠٠١ دەرچگ، ئەرا نووسەر کارڵوس زافۆن، ک لە هەفتەی گوزه‌یشته‌ کۆچ دویایی کرد، ئی رۆمانە وە ٢٠ زوان نووسیا، ومەلیۆنان چاپ لەلی فروشیا، ک خوەی بەش یەکەمە لە چوارینەی ( قەورسان کتاوە لە هویرچگەیل).
چیرۆک رۆمانەگە لە سەدەی بیس لە پەرشەلۆنە بوود، ک قەورسان گەورایگ کتاوەیل ئەڵاجەوی هاناوی، لە مەردم شاریاسەو، وەدەسپیچگ ئەوە ک بنچینەی شەیتانە، لەناو ئی رۆمانە چیمنە بن دەریای قویلیگ، ک نیزانێ ئایا خنکیاگی، یا مەلەوان زیرەکیگی، زافۆن نیەلێد چیرۆکەگە لە مەغزد دەربکەی.
لە رۆمانەگە، پیاو پیریگ، دانییل کوڕی وەل خویا بەێد، ئەرا شوونیگ ئووشنەپی قەورسان کتاوەیل، ک هالە ژیر شارەگە، و کەم هەس نهێنیەگەی زانن. ئەوسا ئەو کتاوەیلە ک سەرنەکەفتن خریادە ناوی، هەرکەسیگ بچوودە ناو ئەو قەورسانە، بایەسە وەختا دەرچوود کتاویگ وەل خوەیا بوەێد، و گیان خوەی بنەێدە وەرانوەری، کوڕەگە کتاویگ بەێد، وەختا رەسێدە ماڵ دەسکەێدە خوەنستنی، و سەرسام مینێد ک چوی ئیجور کتاوە لە شوونیگ جوور ئەو قەورسانە بوود، و خوازێد فرەتر بخوەنێد لە بەرهەمەیل نووسەر ئەو کتاوە، کەفێدە مینەی وهویچ وەدەسی نیەکەفێد، تا دویایی زانێد ک پیاویگ هەس گشت کتاوەیل ئەو نووسەرە سزنێد، چووینکە لایخوەیەو ئووشید ک ئەوە بنچینەی شەیتانە.
شیوەی نووسانن زافۆن هێلەێد بخوازێد ئی کتاوە تەواو نەوود، وخوەنەوارەگە هەست کەێد ک بویە دانیشتوەیل پەرشەلۆنە، جوور شارەزی ئەو شارە.
لە پەیامەگان ئی رۆمانە:
ئەرزش نهێنیەگان وەگوەرەی ئەو کەسەیلەس ک لەلیان شاریەدەو.
مقەیەتی خەوەگاند بکە، ک شایەت روژیگ هەوەجەد وەپیان بکەفێد.
بایەسە بزانی ک ئەو خەفەتە لە دیوارەیلەو دەرچوود، خوەی باس لە گیان شارەگە کەێد.
وگەرد روزگارەو ئەوسا زانی، دڵسوزی لە گشت چشتیگ گرانترە.
گشت چشتیگ مانایگ دیرێد، و هەرچشتیگ ک هەس، ماف هەسی خوەی دیرێد.