تازه‌ترین كۆنسێرت گرووپ موزیك "ئاڕشاویر" وه‌ سه‌رپه‌رشتی و دابه‌شكردن موزیكزان كرماشانی فه‌رشاد رۆسته‌می و وه‌ ده‌نگ گورانیچڕ كرماشانی حوسێن سه‌فامه‌نش و وه‌ هاوكاری رێكخرياگ فه‌رهه‌نگی و هونه‌ری فرووغ فه‌له‌ق، ده‌مشومار 10ی شه‌و 3 ئاب/ ئۆگۆست 2014 له‌ ته‌لار وه‌حده‌ت شار تاران وه‌ڕێه‌وچوود.

بڕیاره‌ ئی كۆنسێرته‌ له‌ دو به‌ش وه‌ڕێه‌و‌بچوود، له‌ به‌ش یه‌كه‌م، ك‌ تایبه‌ته‌ وه‌ زووان كوردی چه‌نه‌ها گورانی و پارچه‌ موزیك له‌وانه‌: "سووره‌ گوڵ"، "خوه‌يشگه‌ خاسه‌گه‌م"، "ئه‌ی خوا نیزامه‌كه‌ی"، "خاو"، "هه‌ڵاڵه‌" و "گوڵ بازی" پێشكه‌ش ‌كريه‌ێد.

 له‌ به‌ش دويه‌م ئی كۆنسێرتيشه‌، ك‌ تایبه‌ته‌ وه‌ زاراوه‌ی لوڕی، چه‌نه‌ها گورانی و پارچه‌ موزیك لوڕی و كوردی له‌وانه‌: "میری"، "به‌زڕان"، "رتم و سراو"، "ساڵه‌های ساڵه‌"، "مه‌قامێگ لوڕی"، "ئاری هه‌وار"، "داری ناروه‌ن" و "بۆی دێنم" له‌ لایه‌ن ئی گرووپه‌‌ پێشكه‌ش دووسداره‌يل گورانی و موزیك كريه‌ێد.

دويایین كۆنسێرت گرووپ موزیك "ئاڕشاویر" وه‌ ده‌نگ گورانیچڕ كورد حوسێن سه‌فامه‌نش ده‌مشومار 10 شه‌وه‌یل 2 و 4 ته‌مموز/ یۆلیۆ 2014 له‌ ته‌لار وه‌حده‌ت تاران وه‌ڕێه‌و‌چوی و له‌ لایه‌ن دووسداره‌يل گورانی و موزیكه‌و‌ پێشوازی له‌لێكريا.

 ئه‌ندامه‌یل گرووپ موزیك "ئاڕشاویر"‌: حوسێن سه‌فامه‌نش ـ گورانیچڕ، فه‌رشاد رۆسته‌می ـ سه‌رپه‌ره‌ست گرووپ و ژه‌نیار قه‌یچه‌ك و كه‌مانچه‌، عه‌لیڕه‌زا سه‌نعه‌تی ـ ژه‌نیار عوود و نه‌ی، ئاوا ئه‌یووبی ـ ژه‌نیار تارباس، مورته‌زا فه‌تحی ـ ژه‌نیار كه‌مانچه‌، شه‌قایق به‌ختیاری ـ ژه‌نیار تار، ئه‌مین ئه‌مینی ـ ژه‌نیار سه‌نتوورر، عه‌لیڕه‌زا مه‌سده‌قی ـ ژه‌نیار زه‌رب و ئامێره‌يل كوترياێ، موحسن كه‌یهان نژاد ـ ژه‌نیار زوڕنا، سارا نادری ـ ژه‌نیار ده‌ف و به‌ندیر و په‌ریسا ئینانلوو ـ ژه‌نیار ده‌هۆڵ و دایره‌.

ا.ج