كوردێگ "ئۆسكار ئاسيا" وه‌ده‌سهاورد
2014-12-15 14:06:05
رێوره‌سم دابه‌شكردن خه‌ڵاته‌یل هه‌شته‌مین خول فستیڤاڵ ئاسیا سكرین رووژ په‌نجشه‌ممه‌ێ گوزه‌يشته، له شار بریسیان له ولایه‌ت كوینزله‌ند له وڵات ئوسترالیا وهڕێهوچی، بێجگه له فیلم "بیره‌وه‌رییه‌كانی سه‌ر به‌رد" ك خه‌ڵات خاسترین فیلم دريژی وه‌ده‌سهاورد، فیلم دیكۆمێنتاری "1001 سێو" له ده‌رهاوردن سینه‌ماكار كووچكردگ كورد ته‌ها كه‌ریمی، خه‌ڵات خاسترین فیلم دیكۆمێنتاری به‌خشرياپێ.
فستیڤاڵه‌گه وه به‌شداری 80 فیلم سینه‌ماكاره‌یل جه‌هان، له به‌ش پێشبڕكێ و ده‌يشت پێشبڕكێ، له رووژه‌یل 29 تشرین دويه‌م/ نۆڤه‌مبه‌ر تا 14 كانوون یه‌كه‌م/ ديسه‌مبه‌ر 2014 وهڕێهوچی.
"بیره‌وه‌رییه‌كانی سه‌ر به‌رد" تازه‌ترین به‌رهه‌م سینه‌مایی كوركییه و سیناریۆگه‌ێ له نويسانن خوه‌ێ و مه‌مه‌د ئه‌كتاشه، له ساڵ 2011 له‌لایه‌ن ئه‌كادیمیای ئاسیا پاسیفیك سكرین خه‌ڵات خاسترین سیناریۆ به‌خشرياپێ.
ا. ج
