لە یەکەمین کاریگ لەی شیوە.. روبار كاره‌ساته‌یل کورد کاکەیی وە گورانییگ نشان دەێد
شەفەق نیوز/ گۆرانی بێژ کورد، روبار رەشید کاکەیی، ئەو كاره‌سات وسەختیەیلە کە کورد کاکەیی کەفتە وەری لە ماوەی ساڵەیل گوزەیشتە، لە گورانییگ نشاندا، ئەوسا وەی نزیکە کەفێدە وەر رووشنایی.
روبار ئەرا ئاژانس شەفەق نیوز وت: گورانیەگە جوور یەکەمین کار هونەرییگە ک نشان مه‌ینه‌تیه‌یل کورد کاکەیی دەێد لە ماوەی ساڵەیل گوزەیشتە.
وتیش: خوازیم دەنگ کاکەیی ئەرا جهان بڕەسنیم، تا بدوینن چە وەسەرمان هات لە خاک خوەمان، وتیش: لە ٢٠٠٣ تا ئیسە فرە شەهید پێشکەشکردیمنە ئی خاکە، ک لەبان دەس چەتەیل تیرۆر و داعش کوشیان.
روبار هەمیش وت: ماوەی چەن ساڵیگه داعش و ئەو توندڕەوگان خەڵک ئاین کاکەیی رفانن و ئاگر دانە کشتوکاڵیان و هیچ کەس نەڕسیە دادیان لەی رەوش تاڵیانە.
وتیش: قەورەیل کاکەییەگان هەمیش قورتار نەوین لە دەس تاوانبارەیل، ک قەورەیل کاکاییەگان کەفتە وەر دەسکاری لە عەلی سەرای لە قەزای داقوق.
روبار باسکرد ک دەسەڵاتە ئەمنیەگان داوای تیمەگە رەت کرد لە تۆمارکردن گورانیەگە ئەرا رەسین شوون قەورسانەگە ک شایەتنامەگانی خراوکریاگە. وتیش: وەیجوورە رەفتار وەگەرد کاکەییەگان کریەێد لە ساڵەیل دریژیگ، و کەسیگ نەهات تا بووشێد بەسە، و تا کەی؟
چەوەڕی کریه‌ید ڤیدیۆکلێپ گورانیەگە وەی نزیکە بکەفێدە وه‌ر روشنا. ئی كاره لە دەرهێنان هونەر دیلۆنه ک وەبی وەرانوەر ئەنجامی دا، هەمیش جوور میوزیک ژەنەگان ک وە پێشکەش کەمیگ دانانەی ئەرا گیان شەهیدەیل کاکەیی.
