ناسر حه‌سه‌ن ده‌رهاوه‌ر (كه‌ركوك4)  له‌لێدوانێگی وت: ئه‌ی زنجیره‌ دراما‌ ‌چوار به‌شه‌ ‌و هه‌ربه‌شێگی 30 ئه‌ڵقه‌س‌، دويای سێ ساڵ كار كردن ئيسه‌ زنجیره‌گه‌ ته‌واو بويه‌و ته‌نیا مه‌نگه‌ موزیك بخريه‌ێده‌ بانی و ئيسه‌ ئيمه‌ خه‌ریك ئه‌وه‌یمن، ناسر حه‌سه‌ن ئه‌وه‌يش ئاشكرا كرد دويای ته‌واو بوين كار ده‌نگ خستنه‌بان زنجيره‌گه‌  كاره‌گان ته‌واو بوون و په‌نا وه‌خوا له‌مانگ ره‌مه‌زان نمایشئه‌كريه‌ێ.

له‌باره‌ی زنجیره‌گه‌ ناسر حه‌سه‌ن ده‌رهاوه‌ر وت: ئه‌يه‌ یه‌كێگه‌ له‌كاره‌ گه‌وره‌گان ك‌ زیاتر له‌ 170 ئه‌كته‌ر و ژماره‌ی فره‌یگ كۆمبارس به‌شداری له‌تی ئه‌كه‌ن ك‌ ئه‌كاده‌ نزیكه‌ی 500 كۆمبارس و له‌شار كه‌ركوك وێنه‌ی گیرياس‌.

(كه‌ركوك4) درامایگ كومه‌ڵایه‌تی نه‌ته‌وه‌ییه‌، باس له‌وه‌يه‌كه‌و‌ ژیان و برایه‌تی ناونی هه‌ر چوار نه‌ته‌وه‌ سه‌ره‌كییه‌گه‌ی شاره‌گه‌ ئه‌كا ك‌ چوين جوور  برا له‌ قه‌ديمه‌و‌ له‌و شاره‌ ژیانه‌ و له‌خوه‌شی و ناخوه‌شی هاوكاری یه‌كتری كردنه‌ بێ ئه‌وه‌گ هویچ ناكووكييگ ئایینی یا نه‌ته‌وه‌یی و مه‌زهه‌بی كاریگه‌ری له‌بان ژیانیان داشتوود.

بڕیاره‌ دراماگه‌ له‌چه‌ن كه‌ناڵێگ‌ عه‌ره‌بی‌‌و كوردی نمایش بكريه‌ێ، جوور (كوردسات، كوردستان تیڤی‌، سۆمه‌ریه‌‌و ئه‌لعێراقیه‌)، هه‌ميش ژێر نويس‌ ئه‌رای كرياس‌، هه‌رچه‌ن‌ (80%) دراماگه‌ دیالۆگه‌یلی‌ وه‌زووان‌ كوردییه‌، وه‌لی زووانه‌یل‌، توركمانی‌‌و سریانی‌‌و عه‌ره‌بيیش‌ له‌تی وه‌كارهاورياس‌.

ا