ئه‌لبووم "تنها نخواهیم ماند" يانێ‌ "ته‌نیا نامێنيمنه‌و‌" نووترین به‌رهه‌م موزیكزان ناودار و وه‌ئه‌زموون كورد كه‌یهان كه‌ڵهوڕ وه‌ ئامێر كه‌مانچه‌ و موزیكزان جوان ئيرانی عه‌لی به‌هرامی فه‌ر وه‌ ئامێر سه‌نتووره‌ ك‌ ساڵ 2012 له‌ لایه‌ن كۆمپانیای فه‌رهه‌نگی و هونه‌ری "نقته‌ تعریف" له‌ ئاست ئيران و جه‌هان بڵاوه‌و كريا‌، ئيسه‌ ها له‌ رزبه‌ندی خاسترین ئه‌لبوومه‌یل ساڵ 2012ه‌ی ماڵپه‌ڕ "ئای تیۆنز"‌.

ئی به‌رهه‌مه‌ تا ئيسته‌ له‌ وڵاته‌یل ئه‌مه‌ریكا و ئه‌ورووپا له‌ لایه‌ن هۆگره‌یل موزیك نه‌ته‌وه‌گانه‌و‌ پێشوازییگ وه‌ربڵاو له‌لێكرياگه‌ و له‌ لایه‌ن گۆڤار "سانگ لاینز"یش جوور به‌رهه‌مێگ وه‌رچه‌و و سه‌ركه‌فتگ بوداهه‌ژه‌نین موزیك نه‌ته‌وه‌گان ناسندرياگه‌.

كه‌ڵهوڕ، تا ئيسه‌ قه‌ێرێگ ئه‌لبووم موزیك وه‌ل موزیكزانه‌یل كورد، ئيرانی و بیگانه‌ بڵاوه‌وكردگه‌سه‌و‌، وه‌لی "ته‌نیا نامێنيمنه‌و‌"‌ ده‌روينیترین به‌رهه‌م ئی موزیكزان‌ كرماشانییه‌سه‌.

أ‌.       ج

PNA