سه‌ميره‌ ته‌وفيق له‌ باسيگ وه‌ل رووژنامه‌ى شه‌رقولئه‌وسه‌ت ك(شه‌فه‌ق نيوز)ئاگادارى بوى، وت: شانازى ئه‌كه‌م ك هويچ دوشمنيگ له‌ مه‌يدان هونه‌رى نه‌يرم و حاڵ حازريش هوير له‌ نويسانن يادگاريه‌يل و ئه‌زموونه‌يل تيه‌ڵ و شيرينم ئه‌كه‌م ك هاتنه‌سه‌ تويشم له‌ رووژگارم ئه‌را فيشتر له‌ نيم سه‌ده‌.

جى باسه‌، ته‌وفيق له‌و ديداره‌ باس له‌وه‌يش كرد ك وه‌ى نزيكه‌يله‌ گورانى تازه‌يگ پيشكه‌ش ئه‌كاده‌ لايه‌نگره‌يلى وه‌تايبه‌ت مه‌ردم كه‌نداو عه‌ره‌بى، چوينكه‌ جوور ئه‌وه‌گ خوه‌ى باس كرد مه‌ردم كه‌نداو به‌شدار بوينه‌ له‌ دروسكردن ناودارى و ره‌ساننى ئه‌را ئى ئاست هونه‌ريه‌.