شه‌فه‌ق نیوز/ ئیلیف شافاق، رۆمان (چل یاساگەی عشق) وەی شیوە پیشەکیەگەی نووسنێد :
وەختا مناڵ بویم، خودا دیم
پەریەگان دیم
نهێنی هەردوگ جهان بانینە وخوارینە دیم
لەخوەمەو گشت پیاوەگان ئەوەگ من دیمە دینە
دویایی زانستم ک ئەوان نەدینە
)شەمس تەبریزی(
پێشەکی
کوچگیگ گریدە ناو پەنجەیلد، بەرزیەو کەێد، ئیجا وەشنێدەی وەرەو ناو ئاو تافیگ، شایەت تەماشاگەی ئاسان نەوود، ک شەپۆلیگ لەبان ئاوەگە ک کوچکەگە کەفتە ناوی دروس بوود، وپرش ئاوەگە چویچیەێد، بەڵکم ئاوە تافەگە دەڵەکی دەێد، یە گشت کارەگەس.
کوچگیگ بخە ناو دەریاچەیگ، نەگ تەنیا تەماشاکردنیگە، بەڵکم ماوەیگ فرەتر مینێد، ک کوچکەگە ئارامی ئاوە وسیاگە شیونێد، و خڕیگ لەو شوینە دروسکەێد ک کەفتە ناوی، وپرتەی چەویگ، شەپۆلەگان وڵاوە بوون، تا ئاشکرابوون لەبان ئەو ئاو روشنە ک مینێدە ئاوینە، ئەو بازنەیلە نیەوسیەێن، ونیەسڕیەنەو تا بڕەسنە کناراوەگە.
ئەگەر کوچگێگ خستێدە رووباریگ، رووبارەگە وتەنیا جویلەیگ تر داینەێد، لە بڕ جویلەو ئاژاوەی تافی خوەی، چشتیگ نیە نائاسایی، چشتیگ نیە ک کۆنتڕۆڵی نەکریەێد.
بەڵکم ئەگەر کوچکەگە کەفتە ناو دەریاچەیگ، لەوەلا دەریاچەگە جوور خوەی نیمینێد.