گورانی چڕ پوپ " لیندسى لوهان " وه‌به‌رزه‌و كردن قورئان هه‌را ناسه‌و
2015-05-15 08:14:12
ڕوژنامه‌ێ "ده‌یلى میل " به‌ریتانییش چه‌ن ڕه‌سمێگ ئه‌و ئه‌كته‌ر و گورانیچڕ ئه‌مریكیه بڵاو كردگه‌سه ك له‌تیان نیشانده‌یگ قورئان پیروز ئه‌ڵگردێه و ئى ڕه‌سمه‌یله شك وگومان له ناو هه‌واداره‌یلێ وه‌دی هاوردگه ك شاتمان هاودێوگ ، وه‌تایبه‌ت له شوون به‌شدارى كردنێ له به‌رنامه‌ێ "ئوپراونفری" وقسه‌كردنێ له باوه‌ت پره‌نسیپه‌یل ئسلام ك شه‌راو خواردن حه‌رام ئه‌كا.
ڕوژنامه‌گه ته‌ئكید كردگه مێژوو"لوهان" شایه‌ت ئه‌وه‌سه ك ئێ خانم هونه‌رمه‌نده هه له ته‌مه‌ن هه‌رزكاری له باوه‌ت سه‌رجه‌م ئاینه‌یل لێگوڵینه‌وه كردگه وه‌تایبه‌ت خوه‌نستن زانست " كابالا "ك یه‌كێگه له مه‌زه‌وه‌یل ئاین یه‌هودی.
به‌عزێ قسه‌یش كریاگه له باوه‌ت ئه‌وه‌گ لوهان له ساڵ 2012 ئاین بوزا هه‌ڵوژانگه ، وه‌لێ ئێجاره له شوون كاركردن له چه‌ن كومه‌ڵه‌ێگ خه‌یر خوازى تایبه‌ت وه‌چاودیرى مناڵه‌یل ، چه‌ندین جارده‌ركه‌فتێه ك قورئان پیروز وه‌ده‌سێه‌و بوێه و یه‌یش پرسیاره‌یلێگ له باوه‌ت موسلمان بوێنى هاوردێه‌سه ئاراوه.
ج ك
