كورده‌يل فه‌يلى.. مه‌ويسێ نيشتمان
شه‌فه‌ق نيوز/ ئى ياده هويچ وه‌ختيگ سه‌رده‌و نادێ و ياخيه له فه‌رامووشكردن و خوازياره بچێد وه بى چشتيگ بويشێد، ئمساڵ 37 ساڵه گوزه‌ر ئه‌دێ و هيمان چه‌وێان نوڕێده پيمان و رووحه‌يليان له ده‌ور ئى نيشتمانه گڕ خوه‌ێد ك هيشتنه‌سه‌ێ جێ، ئه‌وان قوربانه‌يه‌يل ديكتاتۆريه‌ت شوفێنيه‌يلن، فه‌يليه‌يل وه‌ره‌سه‌ێ ميديه‌يلن ك ئه‌را ماوى هه‌زاران ساڵه ريشگ كوتانه له خاك ناونى دوچه‌مان، مێژوو له‌ى وڵاته دروس كردنه شان وه‌شان گشت ئه‌وانه‌گ له ئاو دجله‌و فورات خواردنه، به‌شدارى له بنيات ئى نيشتمانه كردنه له‌گشت روييگه‌و، رۆڵ گه‌ورايگ داشتن له دروسكردن ئحساس نيشتمانى عراقى له‌ڕى پشتگيرى و تيكه‌ڵبوينيان له ڕزه‌يل جموجويل نيشتمانى و روى وه‌ڕوى بوينه‌وه‌ى ديكتاتۆريه‌ت، جوور ئه‌وه‌گ ئاماده‌گى داشتن له هه‌ڵكه‌فت رووشنهويرى ك چيه ناو وژدان مه‌ردم عراقى و هيمان ژن يا پياو له عراق گوورانى وه‌خوه‌شى ئى وڵاته چڕن وه وشه‌يليگ جوور"چه‌وه‌يلم غه‌ريبه له شووند ئه‌ى داڵگه‌و سه‌رگه‌ردانم له ژيانم و دووسيگ نه‌يرم، يا لاواننه‌وه‌ى سه‌مه‌ر سه‌مه‌ر و ده‌نگه‌يل تر" ئه‌ويش جوور ئه‌وه‌گ حاجى رازى"سه‌ليم ئه‌لبه‌سرى"له شانۆگه‌رى له‌ژير تيخ ده‌لاك وشه‌ێ " نه‌حبانى له لو" نويسا، يا مهدى عه‌بدولساحب وازيزان ناودار عراقى ك گۆڵه مێژوويه‌گه له‌بان هه‌ڵوژارده‌ى ئيران له ته‌هران تۆمار كرد و خوه‌شى خسته دڵ عراقيه‌يل، ته‌نانه‌ت بازرگانه‌يليش ك غورفه‌ێ بازرگانى به‌غدا دامه‌زرانن، ئه‌وانه ته‌نيا هوير له عراقيه‌ت ئه‌كه‌ن و هويچ رووژيگ ده‌سوه‌ردار نيشتمانپه‌روه‌رى خوه‌يان نين، چوينكه نيشتمانيه‌ت به‌ڵگه‌يليگ سبووتى و به‌ڵگه‌يليگ فه‌رمى نيه، به‌ڵكوو ئحساس و دڵسووزيه ئه‌را خاك و مه‌ردم.
ديكتاتۆر وه‌رين وه‌گشت كينه‌تيگ تايفيه‌و هه‌وڵ ئه‌وه دا له‌كه‌دار لايه‌نگرى مه‌ردم ئى پيكهاته بكاو گومان بخاده نيشتمانيه‌تيان، وه‌لێ شكه‌ست گه‌ورايگ خوارد، ئه‌ويش له‌ساێ مكوڕبوين فه‌يليه‌يل له‌بان خوه‌شه‌ويسى و په‌يوه‌سبوينيان ئه‌را عراق ك تائيسه‌يش خوه‌شه‌ويسه له‌لايان.
ئمجا له(37)مين ساڵياد شه‌هيده‌يل قه‌ورسانه‌يل وه‌جه‌م و رووژ شه‌هيد فه‌يلى له ئيواره ماته‌مينييگ ك ده‌زگاى كورد فه‌يلى له له‌نده‌ن ساز كريا گشتمان وه يه‌كه‌م وسيايم و سه‌ر ريز و نه‌وازش چه‌مانيم ئه‌را قوربانيه‌يل، چوينكه ئه‌وان چشته‌يل فريه گه‌ورايگ پيشكه‌ش وه نيشتمانيان كردنه.
خودا ره‌حمه‌ت شه‌هيده‌يل عراق بكاو سه‌رشووڕى و ئاوڕويچگنيش ئه‌را سته‌مكاره‌يل.
عه‌لا ئه‌لخه‌تيب
