شەفەق نیوز/ ئەو دەس غەدرە ک دریژەو بوی ئەرا هشام هاشمی توێژینەوەکار عراقی، خوازێد ئەو مەغزە ک کردە خزمەت عراق بیدەنگ بکەێد، و ئەو توێژینەوەیلە ک دانارەی ئەرا خزمەت زانستن وهووشیاری کردن لە مەترسیەگان تیرۆرست و گەندەڵی و تایفەگەرایەتی.

شایەت گەورەکردن نەود ئەگەر بووشیمن هشام هاشمی جینیشین کەتیبەی پاڵپشتیگ عراقی بوی، دەسمیەت دا لە ئاشکراکردن ریخریاگەیل تیرۆرستانە و رسوا کردنیان، وە مەغز و زانیاریەگانی، وەختا لە ساڵەیلیگ ک تیرۆرست برا عراقیەگانی لەناو دا، ئەو نەقشەی ووردیگ کیشیاد لە ریخریایەگان و و کەسەگانی ک پەسەن کردن کار لە بەرژەوەنی پڕۆژەی تیرۆرستانە لە عراق بکەن، ولە هێڵیگ هاوشانی وەل هێزە چەکدارە عراقیەگان و پێشمەرگە و حەشد شەعبی، جەنگ ناو مەیدانی کردیان.  

ئەرا نە؟، و رووداو کوشتنەگەی رەتکردن سەخت لە ناو و دەیشت گردەو کرد.

هشام هاشمی، لە دایگبوین بەغدادە ساڵ ١٩٧٣ ، جینیشین هێزیگ دەسوەشن بوی وە ئەزمونی وە شیکردنەوەی ک هووکاربوی لە بڵاوکردن هووشیاری لە وڵاتیگ خوازیەێد بخنکیەێد لە ژیر نەفامستن ومردن، و هێزەگەی ها ئیرا، و هەمیش خوێڕایەتی ئەو گولەیلە ک لەبانی تەقەکریا لە نزیک ماڵەگەی لە بەغداد.

هاشمی، جوور مێژونووس و توێژینەوەکار لە باوەتە ئەمنی و ستڕاتیژیەگان وکۆمەڵە توندڕەوەگان، زاقترین توێژەینەوەکارەیل لە باوەت ریخریاگ داعش ولایەنگەرەیلی بوی، و خوەی چەودیریگ ووردەکارە ئەرا کۆمەڵە ئیسلامیە عراقیەگان لە ساڵ ١٩٩٧ ، کارکرد لە لێکۆڵینەوەی پلاننامەیل ئاسەواری فیقهی ونووکاری، هەرچەن بڕوانامە ئەکادیمیەگەی بەکەلۆریۆس وڕیەوبردن و ئابووریە، بەش ئامار.

هەمیش زیرەک بوی لە پەنجەناین لەبان زەخمە عراقیەگە، لە دویاترین نووسینی لە بان تویتەر، وەرجە چەن ساعەتیگ لە کوشتنی نووساد:

بەشبەشبوین عراق دووپات کریا وە:

١/ باوی بەشبەشەکیەگە ک داگیرکەر هاوردەی " شیعە، سونە، کورد، تورکمان، کەمینە"

٢/ حزبە زاڵەگان " شیعی، سونی، کوردی، تورکمانی .. "  ک خوازێد دووپات بکەێد لەبان دەسکەفتەگانی لە ری بەشەوبوین، ٣/ حزبە ئاینیەگان ک رکابەری حزبی ئاڵشت کردنە تایفەیی.

هاشمی نەناسریا وە هەست تایفەیی یا مەزهەبی، لە مەوقەیل دەرچگنی لە راگەیانن ناوخۆیی و پیگانە، یا لە وتارە بڵاو کریایەگانی لەبان ئاژانس شەفەق نیوز لەلاییگ، یا خوەنستنە رووشنەگانی ک ئاژانسەگە لەلی وەرگرد، هاوسەنگی داشت وەگورەی خوازین پێشەگەری توێژینەوکاریگ و سەروەخوەیی، شایەت ئەرا ئەیەیش، گولەی غەدرەگە رەسیە پی، تا بیدەنگی بکەێد، ئیجا دەنگ فیتنە وە بەشەوبوی بەرزەو بوود.

هاشمی لە سەردەم رژیم سەدام حسێن دەسوەسەر کریا و فەرمان وە زیندانیی بریا، لە ساڵ ٢٠٠٢ لە زیندان دەرچگ، و دویای ساڵ ٢٠٠٣ چیە ناو کار رۆژنامەوانی، و دەسکردە نووسانن راپۆرت و بەڵگەکاری وەل رۆژنامە و کەناڵە بیگانەگان.

وەگەرد ئەوەیش، دەسنووسیگ ئەنجام دیاد لە بان نەقشەی کۆمەڵە چەکدارەیل لە عراق، و هیچ وەختیگ نەویە ئەندام کومەڵە توندڕەوەیل، تایبەت پشتگرەیل ئەنسار ئیسلام و ریخریاگ قاعیدە وپەلەیلی وداعش.

کومەڵە توندڕەوەگان لەبان هاشمی بریگ مەزەنەی جیواز دەن، لەلیان لە ری خودا دەرچگن و مشەخوەری، لەوەر هەڵوێستەگانی ک دژیانە، هاشمی وە یەکەمین کەس دانریەێد ک دەمپیچەگە لە سەرکردەیل داعش لاورد لە عراق و سوریا، ک ئاشکرای ناو و زانیاری کرد تایبەت وە سەرکردەیل ریخریاگەگە و چوینیەتی کارەیلیان، و لەوەخت تەشییع کردنی، براگەی ئاشکراکرد ک چەتەی داعش هەڕەشە وە کوشتن هشام هاشمی دان.

هەمیش هاشمی لە تویتیگ نووسان: ناوبەین سەربەرزی و سەروەری ماف و خوین و کەرامەت عراقیەگان گوما بوی، و پویلیان چیە گیرفان سیاسیە گەندەڵەگان.

سروشتیە ک هەڵوێستەیلیگ جوور ئەیانە دوژمن ئەرا هاشمی پەیا کرد و لە گشت چینەگان، لە ژینگەیگ تا ئیسە هووکارەی رای پێچەوانە نیە، هەرچەن ئاشتیانە و نیشتمانی بوود جوور قسەیل هاشمی، ری دەێدە خوەی ئەرا کوشتنی، لە وەختیگ ک فرەیی دوژمنەیلی بوودە هووکاریگ ئەرا گومابوین خوینی لە ناو هووزەیل، و تاوانبارە راسیەگە نیەناسریەێد، ئەگەر تەقەکەرەگەیش بناسریەێد.